反起跑線聯盟丨陳欣妍驚訝被選中做媽媽 林家熙爆劇中女兒蠱惑

ViuTV原創劇《反起跑線聯盟》將於下周一（21日）首播，陳欣妍（Shirley）和林家熙飾演劇中最年輕的夫妻，Shirley坦言第一次與小朋友對戲感到緊張，未準備好做人「媽咪」，Shirley表示：「邊諗到呢個年紀要演媽媽嘅角色？好在劇中都話明係年輕媽咪，擺明就係抵受唔住愛情嘅誘惑而生女。導演都話叫我哋做番自己，唔識湊小朋友就啱晒佢要嘅感覺。」 

劇中Shirley要陪囡囡瞓覺，又與對方玩玩具，甚有潛質當媽媽：「我真係冇諗過生小朋友，因為唔知點教佢、點答佢哋問題，呢個責任實在太大。」而林家熙就話鍾意小朋友，但生兒育女是遙遠的計劃。

 

陳欣妍和林家熙在《 反起跑線聯盟》演年輕夫妻。

林家熙大爆劇中女兒蠱惑。

 

拍攝屋企戲份當日，呢頭鬧完交後，又要陪囡囡瞓覺，林家熙大讚囡囡演技好，更大爆對方「蠱惑」，他稱：「今次都算係我第一次飾演爸爸，初初都緊張要拍好耐，但囡囡啲戲真係好好，話喊就喊出嚟，一啲都冇拖慢個進度。其實佢哋都好單純，只要同佢哋做咗朋友就會配合你想點，所以一到場我都出力𠱁佢。啱啱同Shirley講起先知，呢個囡對住佢講就鍾意媽咪多啲，對住我就話錫我多啲要分享糖糖，可想而知佢幾咁蠱惑。」

 

陳欣妍話冇諗過生小朋友。

林家熙亦覺得生兒育女係遙遠嘅計劃。

劇中一家三口。

 

更多第5波疫情資訊，請到以下專頁瀏覽（按此）

立即下載｜全新《星島頭條》APP：https://bit.ly/3yLrgYZ