李司棋撞樣《奇幻魔法屋》主角 邊食邊睇勁寫意

李司棋（司棋姐）一向貼地又跟得上潮流，連網民熱話她也跟得很貼。早前迪士尼動畫《奇幻魔法屋》於串流平台上架，女主角Mirabel因為一頭曲髮加埋副眼鏡，被網民指直情好似動畫版司棋姐咁。而昨日（12日）司棋姐就在家中用平板電腦，收看這套動畫，仲邊食煙燻火腿邊睇，真係好寫意，仲留言表示：「估下我睇緊咩……」網民睇見都留言答她：「睇緊你自己主演嘅卡通😍😍😂」、「係卡通李司棋阿😍😍😍」、「一直覺得應該搵司棋姐你配音😂」，其實早於這套動畫在串流平台上架，已有網民話難以投入，因為個主角真係好似司棋姐呀！估唔到司棋姐都知網民心聲，自己都睇吓係咪真係咁似，好搞笑呀！

 

呢個係曲髮司棋姐。

 

呢個係動畫化司棋姐…呀…唔係，係《奇幻魔法屋》主角Mirabel。

 

司棋姐都喺屋企睇戲，唔知佢覺得自己同個主角似唔似呢？

 

邊食邊睇，好Chill呀！

 

網民都話似。

 

更多第5波疫情資訊，請到以下專頁瀏覽（按此）

立即下載｜全新《星島頭條》APP：https://bit.ly/3yLrgYZ