古天后日誌｜港股反彈欠力度 稍有利淡消息再探底

3月10日，天晴，天氣乾燥，日間較為溫暖。雖然俄烏戰事仍膠著，但市場開始消化美國加大對俄羅斯制裁，包括停止進口俄羅斯石油，加上歐洲股市反彈，刺激美股隔晚反彈，三大指數向上，道指升653點；標指升107點，創2020年6月以嚟最大單日升幅；納指升460點，升逾3%。

美國多間企業宣布局部或全面停止俄羅斯業務，包括百事公司、可口可樂、星巴克及麥當勞等，其中可口可樂表示將密切監察及評估當地形勢；而俄國對同業百事公司貢獻則較重，佔總收入約4%，百事會維持銷售必零品，包括嬰兒配方奶粉、牛奶和嬰兒食品，但停止百事可樂及七喜汽水等品牌在俄的銷售，並暫停資本投資和所有廣告和宣傳活動。麥當勞，亦宣布暫時停運在俄850間分店，其中84%分店屬自營，而俄烏兩國佔麥當勞經營溢利約3%；星巴克除O左暫停當地分店營運外，仲停止旗下產品運送當地。

美股反彈，估計港股今日亦可以高開反彈，只係港股喺過去幾日反彈顯得有心無力，尤其當內地股市走軟時，港股受累拖亦阻礙反彈，港股今日能否重上21000企穩，實在令人有所懷疑。目前困擾住港股兩大因素，包括俄烏戰事持續，但本地疫情肆虐，喺嚴重嘅防疫措施實行下，百業蕭條，對經濟帶嚟沉重打擊，同樣令港股表現雖差人意。

目前實在難以評估俄烏戰事如何發展，至於本地疫情亦難以評估何時受控，換句話講，港股反彈之路仍然係困難重重。目前要注要係恒指嘅21000點，有機會由之前嘅支持位變成阻力，至於噚日嘅低位約20102點，成為短線支持，只係嗰個位嘅支持力度有幾大，暫時唔好咁老定，皆因20000點係一個牛證重貨區，唔排除稍有利淡消息，淡友將再度發動攻勢，定必殺埋呢個牛證重貨區，而下一個支持位大約喺19500至19800。

古天后

(徐狄怡，證監會持牌人)