戴祖儀康復出關除口罩拖狗行山 病後啟發人生：活著更珍惜當下

因為拍TVB節目《學是疫學非》上月底染疫嘅戴祖儀(Joey)閉關休養兩周後經已完全康復，昨晚她上載一條駕車去行山放狗短片，片中戴上cap帽，穿着三個骨褲及風褸，素顏的戴祖儀行山期間竟敢除低口罩，對住鏡頭面露笑容仲展示勝利手勢，而且步履輕盈，精神爽利，似乎忘掉晒病發期間苦悶嘅隔離「懷疑人生」生活，亦唔擔心再受感染。從Joey身邊嘅黑影，驚見出現一位短髮、身材瘦削、面火尖嘅神秘人影子，究竟結伴行山嘅係乜人，令到Joey心情咁舒暢呢？

 

從Joey身邊嘅黑影，驚見出現短髮神秘人，究竟結伴行山嘅係乜人呢？

 

戴祖儀嘅小狗都好搶fo，有fans㗎。

 

行山期間Joey冇戴口罩呼吸新鮮空氣。

 

Joey心花怒放，對住鏡頭展示勝力手勢。

 

當日風景及天氣都好好。

 

開住車都影相有啲危險喎！

 

片中Joey用Evan McHugh嘅《It's a Beautiful Day（Lyrics）》勵志歌為自己打氣，Joey寫道：「當過去一切理所當然都變成現在的奢望，活着(著)就更加要珍惜當下。stay healthy and happy everyone.」網民留言為她打氣，寫道：「你都要健康快樂，終可以去呼吸新鮮空氣了。」、「終於好返la。」也有網民溫馨提示她：Be safe(注意安全)！

 

戴祖儀上月底確診時一臉倦容！

 

生病時形容食粥食到懷疑人生！

 

戴祖儀與張寶兒、何泳芍、陳詩欣主持抗疫節目，卻不幸受感染。

 

拍TVB劇集《青春不要臉》時戴祖儀與丁子朗傳緋聞。

 

更多第5波疫情資訊，請到以下專頁瀏覽（按此）

立即下載｜全新《星島頭條》APP：https://bit.ly/3yLrgYZ