梁諾妍產後抱B做深蹲運動急修身 傷口好返八九成唔怕爆裂

梁諾妍（Inez）與洪永城於去年7月奉女成婚，雙喜臨門，同年底12月23日誕下囡囡Ambe（洪寶寶），產後兩個多月Inez已經極速修身，原來Inez相當勤力做運動。昨天（5日）Inez再次上載抱B同工人姐姐做運動影片到IG，見她做「深蹲」及青蛙式收腹、翹臀等運動，做到出哂汗，最搞笑金毛愛犬都有亂入鏡頭內。她寫道：「生完洪寶寶第77日~ 開刀嘅傷口已經好返得8899啦，做多咗跳動同核心肌群動作，不過都會量力而為，最叻係工人姐姐！隔1~2日一個home workout 佢都會跟我一齊做 。」

 

梁諾妍做運動期間愛犬亂入好搞笑。

 

抱B做「深蹲」，梁諾妍係咁爆汗。

 

過年期間已開始抱B做「深蹲」，令人擔心她的傷口。

 

網民大讚她和工人姐姐兩個都好fit，搞笑留言：「我想做你工人，姐姐可以日日上堂。」又指她fit咗好多，但Inez仍不滿強調：「仲有10磅要走呀，要繼續努力。」網民亦留意到她爆汗，叫她開冷氣做運動。

 

網民話想做梁諾妍姐姐一齊做運動。

 

梁諾妍產後專心湊女。

 

兩公婆會拍拖放狗。

 

更多第5波疫情資訊，請到以下專頁瀏覽（按此）

立即下載｜全新《星島頭條》APP：https://bit.ly/3yLrgYZ