范瑋琪兩年間頻捲是非終復出 徐若瑄力撐粉碎不和傳言

2022-03-02 10:00
Video Player is loading.
Current Time 0:00
Duration -:-
Loaded: 0%
Stream Type LIVE
Remaining Time -:-
 
1x
    • Chapters
    • descriptions off, selected
    • captions and subtitles off, selected

      范瑋琪復出推新歌!
      范瑋琪復出推新歌!

      台灣歌手范瑋琪昨日(1日)於IG為今日推出的新歌《恰如其分的自己》宣傳,亦代表她潛水2年,終於復出。老公黑人(陳建州)亦於IG出Po力撐老婆,叫大家準時聽歌睇MV呀!而范瑋琪同黑人各自出Po,下方都見到徐若瑄留言力撐,睇嚟想以行動證明同黑人夫婦仲係好朋友噃!

       

      范瑋琪於IG宣傳新歌,徐若瑄留言力撐。
      范瑋琪於IG宣傳新歌,徐若瑄留言力撐。

       

      黑人出Po撐愛妻出新歌,徐若瑄都有留言。
      黑人出Po撐愛妻出新歌,徐若瑄都有留言。

       

      徐若瑄去年5月因搞咗場茶泡飯飯局,邀黑人夫婦及王力宏等人到家中聚會,而令自己捲入王力宏的性醜聞,被質疑與王力宏有染。其後徐若瑄、黑人夫婦及王力宏更被內地網民稱四人有不倫關係,而引出王力宏前妻李靚薔受託為黑人夫婦澄清,唯獨唔提徐若瑄。而黑人夫婦雖出Po多謝李靚薔幫手澄清,但對於有傳徐若瑄與王力宏有染,他們就一句都冇撐過好友,網民都批評他們。徐若瑄之後在IG打長文話經過連日來的負面新聞,令她感受到人情冷暖,因而令人聯想她暗寸黑人夫婦。不過范瑋琪出新歌,徐若瑄都留言力撐,似係想粉碎不和傳言呀!

       

      呢場茶泡飯飯局,搞咗好多是非出嚟。
      呢場茶泡飯飯局,搞咗好多是非出嚟。

       

      李靚蕾受託為黑人夫婦澄清,唯獨唔提徐若瑄。
      李靚蕾受託為黑人夫婦澄清,唯獨唔提徐若瑄。

       

      話晒係好朋友,黑人夫婦似乎冇為徐若瑄講過說話。
      話晒係好朋友,黑人夫婦似乎冇為徐若瑄講過說話。

       

      徐若瑄今次仲留晒言撐范瑋琪出新歌,都算唔話得。
      徐若瑄今次仲留晒言撐范瑋琪出新歌,都算唔話得。

       

      其實范瑋琪呢兩年又豈止捲入一單是非呢,2020年她在不知台灣口罩量不足的情況下,於facebook批評台灣行政院長蘇貞昌宣佈台灣口罩暫時禁止出口一個月,更鬧蘇貞昌是狗官而被網民批評。之後又傳擅自爆好友梁靜茹離婚消息,最後反面收場,仲有自爆在家用非法途徑收看奧運等,都令她形象插水。加上因為近年太多是非,不時被網民翻舊帳,像是與老公黑人發起公益活動被指財務流向不明、虛報學歷、欺負昔日同門師妹張韶涵等。負面新聞一大堆,睇落好似幾難翻身,未知今次復出,網民又收唔收貨呢?

       

      2年前出個咁嘅Po,被網民批評。
      2年前出個咁嘅Po,被網民批評。

       

      兩公婆用非法途徑收看奧運……
      兩公婆用非法途徑收看奧運……

       

      唔知今次范瑋琪復出,網民收唔收貨呢?
      唔知今次范瑋琪復出,網民收唔收貨呢?

       

      更多第5波疫情資訊,請到以下專頁瀏覽
      按此

      立即下載 | 全新《星島頭條》APP :https://bit.ly/3yLrgYZ

      關鍵字

      最新回應

      關鍵字

      相關新聞

      You are currently at: std.stheadline.com
      Skip This Ads
      close ad
      close ad
      本網站正使用 Cookie

      我們使用 Cookie 改善網站體驗。 繼續使用我們的網站即表示您同意我們的 Cookie 政策。 Cookie 政策