Juicy叮｜路邊聚眾惹分銷山寨快測包疑雲網民拆解為政府外判工派物資包

2022-02-26 22:03

自政府宣布認可新冠病毒快速測試後，不少市民於是購入坊間的快速檢測劑備用，但質素、準確性則令市民疑慮。香港大學化學系博士鄺士山（K. Kwong）在社交網站上載圖片，可見有一批人在馬路邊聚集，就地整理多個行李箱、紅白藍及紙皮箱內的膠袋和包裹，看似是快速測試劑，他寫道「各區小販都有貨，包裝盒要自己入，唔知用嚟撩鼻安唔安全」。

網民見狀紛紛擔心是來歷不明的「山寨」冒牌測試劑，留言「各區街市附近，一百蚊三盒。敢唔敢用就自己諗」、「當政府無了期安排，就係發災難財時機」。

不過也有網民質疑，有關人士可能是政府或醫管局的外判人員專責派發防疫物資，「政府檢測包，不是小販」、「政府檢測包嚟架喔。 fact check下先post會唔會好啲」、「人地明明就係政府外判嘅送檢測包人員」、「好似攬哂證架喎，fact check咗未架」。

有網民指，「睇落似政府派果啲防疫包！以我所見，佢哋似係旅業請返嚟幫政府派防疫包嘅旅遊業從業員！因為我噚日都見到一大堆依啲人從旅遊巴落車，之後攞住份list問我依座邊度果座邊度！仲有佢哋都係拉住架車仔，又係一個唔完整嘅紙皮箱！」。

有網民稱朋友從事相關工作，「冷靜啲先如果我無理解錯，圖中係衞生署外判派檢測包嘅人，因為新一批檢測包係無隔離手帶，佢哋只可以自行打開包裝入手帶，見到佢哋有啲人都有員工證掛頸。就地放低整又真係爭唔落，衞生情況唔係咁好囉」、「相中深灰色衫的女士所穿我無睇錯的話似 CHP 外展護士的 uniform，佢哋在街邊地上處理物資的確唔理想，但若因此引起誤會就不是太好了。要知道現在所有醫護人員都是疲於抗疫，實在需要更多正能量。」