林欣彤再被Anton舊愛斥做第三者 Christy寸羨慕到出手「爭取」幸福

2022-02-25 13:30

林欣彤（Mag）日前在IG自爆疑初步確診新冠肺炎，但意外引爆自己疑做第三者，介入ONE PROMISE鼓手馮卓然（Anton）和拍拖7年的圈外女友Christy之間，隨即男方認跟Mag拍拖，但強調她並非第三者，但Christy卻暗示Mag是介入自己與Anton之間，又斥男方是「大話精」，而Christy近日在其愛犬Captain的IG寫下長文，扮愛犬說話，再暗寸是Mag出手「爭取」幸福。

當中留言謂：「呢半年嚟同媽媽相依為命，每日都黐住媽媽一齊瞓，單親不孤單！以前拍嘢嘅時候，每次都係媽媽喺拍攝鏡頭後一路照顧住我，做足拍攝準備。我唔介意出鏡拍攝俾大家認識我，但係媽媽介意我俾人利用作宣傳工具，為他人增加知名度，更加唔會扮慘扮可憐，然後借故利用狗仔嚟夾硬搶走人哋嘅野！！！」

Anton認戀Mag後，似乎未能平息是非。

Christy在愛犬IG出Po暗示被人搶走幸福。

林欣彤自入行以來，緋聞戀情也十分之多。

接着再說：「曾經媽媽為咗一個人放低原本嘅生活，全心全意去幫人打理人哋嘅生活同工作大小事情，而家媽媽諗番都唔開心，因為覺得自己好蠢。不過而家媽媽自由啦，以後全心全意只係愛我Captain一個。曾經亦有某位好鍾意『怎麼可以吃兔兔』嘅偽人話過好羨慕人哋同媽媽可以相愛咁多年，可能就係因為太羨慕，羨慕到要出手『爭取』幸福。不過媽媽而家唔要啦，送咗畀你，因為媽媽唔識『怎麼可以吃兔兔』，自愛女人最好命！」最後更提到：「我呢隻『開心單親狗』絕對『單親不孤單』！」其中Christy更指有人疑曾登入其社交平台有所行動如刪post等，矛頭直指Anton。