Juicy叮｜連登仔寒流下用儲水式熱水爐沖涼嗌救命 網民：訓練你做西伯利亞人

每到冬天，儲水式熱水爐的用家都被譽為「冬天的冠軍」，他們需要與時間競賽，在熱水用完之前完成沖涼，的確讓人非常頭痕。天文台連日來發出寒冷天氣警告，今早更錄得僅攝氏7.5度，創入冬以來最低，令一眾儲水式熱水爐用家「嗌晒救命」，其中更有網民笑言要到海牙國際法庭，以危害人類罪控告儲水式熱水爐的發明者及生產商。

有網民昨日（20日）在連登討論區發文，指自己日日沖涼「都好似行刑咁」，每日沖涼的時間只有匆匆數分鐘，苦不堪言，「我每日都企喺廁所門口同自己講，我要堅強，無事嘅，痛苦嘅一刻好快會過，然後一除衫嗰刻就心諗：『點樣強呀』，滿心期待會有浩劫重生嘅感覺，１分鐘過去...２分鐘過去...我未洗頭呀！無時間喇！」。

該名網民甚至覺得自己「每一日都係同死神喺度搏鬥」，非常辛苦，希望可以以危害人類罪，控告儲水式熱水爐的發明者及生產商，甚至告到海牙國際法庭。

帖文其後引來大批網民訴苦，大家除討論一年一度的生死時速再臨外，「裝定一桶熱水，到熱水爐再煲滾先入去沖涼，咁就多一桶熱水用了」、「以前舊屋儲水式，夜晚唔敢邊洗頭邊沖涼」、「建議唔好洗頭」、「訓練你做西伯利亞人」、「儲水式係行前咗幾十年，環保先鋒，唔畀啲人浪費太多水同能源喺沖涼呢件事上面」。

更多第5波疫情資訊，請到以下專頁瀏覽（按此）
立即下載｜全新《星島頭條》APP：https://bit.ly/3yLrgYZ