獨家丨王梓軒期待第二季《演鬥聽》做得更好姜麗文有社交焦慮感激曾照顧

2022-02-20 22:00

去年王梓軒擔任音樂總監嘅TVB節目《演鬥聽》成功打入台慶頒獎禮「最佳綜藝節目」5強；而姜麗文（Lesley）就奪得「飛躍進步女藝員」，兩老友約埋打邊爐慶功兼賀年，Lesley更「Lisa」上身，灌醉梓軒後用「鮑魚刷」當梳刷佢個頭，望他喺新一年頭頭是道，梓軒都交足戲。兩人期望喺虎年會有歌曲上嘅合作。採訪：方騫平攝影：沈健程髮型：DY @ Salon de lotus(王梓軒)；Oscar Shek @HAiR(姜麗文) 服裝：上海灘(王梓軒) 場地：起鍋

姜麗文「Lisa」上身，灌醉梓軒後用「鮑魚刷」惡搞梓軒。

姜麗文好信任王梓軒。

日前兩老友約埋打邊爐開年，王梓軒先飲為敬，又跟姜麗文大玩即興創作：「請你飲杯酒，我希望你今年工作冇得唞！」Lesley開心到爆，笑說：「好好聽呀！」她又接住rap：「我祝返你身體健康，好似避風塘炒蟹咁，場場演唱會好鬼High，又似水煮小龍蝦咁今年不停笑到嘻嘻哈哈…」相當有默契。

兩人齊食火鍋開年，喻意新一年生生猛猛、身體健康。

王梓軒、姜麗文期待虎年事業響到嘭嘭聲。

王梓軒、姜麗文互相祝福。

開年邊爐好豐富，湯底有水煮小龍蝦及樟芝苦瓜排骨，配料有牛極盤、香葉肉碎餃拼韭菜豬肉餃等。

讚軒梓夠義氣

Lesley話兩人相識12年，經歷過唔少甜酸苦辣，梓軒係其中一個最sweet嘅朋友，兩人經常傾心事，她還自爆：「有段時間我有社交焦慮症，試過喺頒獎禮後台病發感覺透唔到氣，但又唔想畀其他人知道，好彩得佢照顧我，帶我去一個舒適嘅地方再守護我。」梓軒話鍾意有才華及好努力嘅人，大家互相信任下建立友誼，更爆Lesley每次見到啲核突公仔都聯想起他。提到過去一年成績，梓軒形容係感恩，但未滿足，相信第二季《演鬥聽》可以做得更好，Lesley毋忘初衷今年會出返歌。