疫情消息｜飲食從業員染疫5至10日未獲送院 黃傑龍籲當局明言家居隔離條件

消息指，本港今日新增1,300宗確診個案，再創新高。稻苗學會會長黃傑龍指，近日收到多名飲食業人士反映，指有員工染疫後5天至10天仍未獲安排送院。他呼籲當局應該明確公布家居隔離的條件及基本藥物指引。

叙福樓集團主席、稻苗學會會長黃傑龍今日（11日）在社交平台發文表示，飲食業的群組不斷收到投訴、求助，稱有員工確診或被列為緊密接觸者後，他們僅獲當局通知，需在家等候通知入院，但等候時間長達5至10日，一直都未獲安排送院，「我公司元朗廣場分店有一位同事2月4日已經初步確診，衞生防護中心話會接佢入醫院，叫佢喺屋企等，等到今天2月11日了還是在家等候，已經足足一個星期了，可能已經等如在家療養好返，已經陰性都唔定了，不過冇人知，因為冇人理佢，冇法做檢測」。

黃傑龍直言今次發帖「絕對不是批評更不是投訴，係一個叫救命post」，他指現時香港醫護人員「已經120%超負荷」，所有床位幾乎用盡，他認為當局應該明確公布家居隔離的條件及基本藥物指引，例如屋企環境比較寬闊、沒有老人家、較年輕的患者可以留在家中。

他續指若他自己不幸確診，他亦願意讓出床位給有需要的老人家或長期病患者去醫院，自己在家療養，「問題係你要講畀我知我先配合到你。好似我嗰位同事，你叫佢在家等候，佢每個鐘頭要留意個電話，內心成日擔憂今日唔知聽日事，點增強抵抗力？ 如果清楚話畀佢知在家休養，起碼佢可以安心瞓覺，盡量增強抵抗力快啲好返，唔會而家咁精神壓力極大瞓唔着。」

更多新冠疫情資訊請到以下專頁瀏覽：（按此）
立即下載｜全新《星島頭條》APP：https://bit.ly/3yLrgYZ