戴祖儀私伙靚衫首飾拍MV 穿低胸裙捱冷在海邊演出

戴祖儀（Joey）早前為有份主演的TVB劇集《青春不要臉》插曲《自我處理》拍攝MV，這歌是她親自填詞，此外，亦提議去不同地方拍MV，更出動不少私伙靚衫靚首飾，Joey笑言：「好耐冇出自己嘅新歌，當然係想拍得靚啲，其實都有私心，可以乘機為自己品牌嘅飾物賣下廣告。」其中一個地點去到石灘，Joey在冬天還要穿上低胸吊帶長裙站在海邊拍攝，當海水湧上來真的凍到震，Joey又謂：「但最搞笑係網民擔心嘅係我丟出去嘅相機，好多留言問部相機係咪道具，居然係擔心部相機唔係擔心我有冇凍親！」

 

出動不少私伙靚衫及首飾。

 

又騷下一對長腿。

 

此外，MV中亦大玩男友視角，Joey全程要靠幻想在鏡頭前演獨腳戲：「對手就係只得一對手，要靠工作人員借出雙手，有好多甜蜜去玩餵食嘢嘅鏡頭，去滿足男性對心目中女朋友嘅幻想，等大家代入同Joey拍拖、分手嗰種浪漫又虐心嘅感覺。」

 

捱凍在海邊以性感造型拍攝。

 

MV中沒有男主角，只有工作人員一對手扮演男朋友。

 

立即下載 | 全新《星島頭條》APP : https://bit.ly/3yLrgYZ