楊祐寧自導自演囡囡因為佢太靚仔而暈倒舒淇笑佢教壞小朋友

2022-02-09 10:00

前年5月，39歲的台灣男演員楊祐寧宣佈跟圈外女友Melinda結婚，女兒Anah於去年12月出世。首做老竇的楊祐寧雖然成日晒囡囡相，但就好巧妙地永遠遮住囡囡個樣。

好甜嘅家庭照。

抱囡囡游水。

喺上海開工嘅楊祐寧用視像同囡囡及老婆傾偈。

型男老竇出咗新Po，今次佢玩自編自導自演，劇名係「囡囡因為老竇太靚仔而暈倒」，段片係囡囡背向鏡頭爬向爸爸，因為囡囡得一歲所以未識行，就好自然要爬，楊祐寧放好囡囡喺地下，再用娃娃音問囡囡：「daddy好帥所以昏倒對不對？好棒喔！」然後抱起囡囡。因為段片太好笑，舒淇睇唔過眼留言，「錯誤的訊息會對小朋友造成認知上的困擾。」楊祐寧覆佢，「所以我才教她正確的審美啊。」林心如就笑佢係「好煩的爸爸」。