陳恩德表明絕不傷害李佳芯女方臨時缺席男方公司活動

2022-01-26 19:02

李佳芯（Ali）最近被爆秘戀「蟲草大王」陳恩德（Mark）逾年，今日Ali原定出席Mark旗下公司於尖沙咀舉行的活動，卻臨時缺席，主角Mark在活動成為全場傳媒焦點，及後他由律師在旁陪同下接受訪問，十分大陣仗。

問到Ali因避緋聞缺席或是TVB不讓對方出席？Mark直指TVB有苛刻條件，他說最初邀請Ali時，對方本人也同意出席，Ali的經理人也回覆指無問題，但最後經理人突然有特別要求，Mark透露：「對方要求活動上Ali唔可以同陳生合照；即使上台大合照都要同陳生維持距離，要隔幾個人先可以影相；陳生又唔可以同Ali一齊接受訪問。喺我公司立場係好無禮貌，帶啲侮辱嘅要求。」

兩人緋聞近日傳得熱哄哄。

陳恩德成為全場焦點。

Mark指TVB列出苛刻條件，覺得自己受侮辱。

Mark表示有傳短訊給Ali問是否她本人的主意，起初Ali未有回覆，後來她才回覆是公司要求。Mark直言也覺得不是Ali問題，但也需要尊重，他指出席活動有哪位藝人嘉賓不用影相，至少也要介紹自己和拍照，Mark說：「所以呢個原因cut咗，唔使佢出席。呢個係TVB問題，我已出信投訴，抽起所有TVB廣告，以我每年過千萬計嘅客戶，而獲得咁樣嘅待遇，簡直係侮辱我。」會否傾談和解？Mark直言：「我諗樂易玲自己交代下。」身旁其公司高層指已出信給TVB，希望尋求達成共識。

Mark指Ali表示苛刻條件是由公司決定。

活動上一眾嘉賓跟陳恩德在台上合照。

聲稱已抽起所有在TVB的廣告。

Mark表示尊重Ali的意願。

至於是否追求Ali？Mark表示私人問題不談，公事才作解釋：「喺我單方面，佢係我好朋友，佢今日冇嚟我都會送禮物（活動禮物）畀佢，亦尊重佢講任何嘢，我唔會講任何說話去爭抗。」至於今次活動出場費，Mark說不會，因是TVB收取。再問對方是否有違約？公司高層表示已和TVB書信來往處理。對於Ali發聲明劃清界綫可有失望？Mark說：「佢想點講都冇所謂，我原則係唔會特別傷害佢，佢係好人。」