英超｜93分鐘「福」星到！ 曼聯1:0破錘升第四

周六英超主場迎戰韋斯咸的爭第四重要一戰，曼聯成功控制戰局，演出較之前有所進步，可是遲遲未能撕破對手防線。最終，C朗拿度、卡雲尼、安東尼馬迪爾和拉舒福特四大前鋒盡出，後者更完場前近門絕殺，助紅魔險勝1:0兼壓過鐵錘幫升上第四位。

福仔(右二)擺脫近期「因善事忘公事」的陰霾，成為今場爭四關鍵戰的贏波英雄。REUTERS

曼聯上半場明顯佔優，可惜未能成功組織具威脅的射門。中場般奴費南迪斯二十分鐘左路一記急勁斜傳入禁區，C朗拿度差一點點頭槌未能接應。右閘達洛治兩分鐘後接應左路傳中，禁區右邊一頂又遠柱斜出。

後備奇兵──卡叔助攻福仔絕殺

易邊後僅四分鐘，紅魔中場費特洛迪古斯硬闖入禁區抽射，被門將艾方斯艾比路亞擋出。韋斯咸五分鐘後還以顏色，查洛保雲乘敵衛未能將左路角球解圍，禁區右邊施射僅中近柱網側。

戰至五十八分鐘，曼聯中堅華拉尼接應左路角球，近柱小禁區邊頭槌在龍門右上角僅告高出。隊友達洛治三分鐘後右路傳中，艾蘭加禁區內窩利未能命中目標。

 

C朗拿度大半場時間都在前線孤掌難鳴，幾次埋門都無功而還。AP

 

紅魔看守領隊蘭歷克先後換入拉舒福特、安東尼馬迪爾和卡雲尼三名鋒將，拼至補時三分鐘卡雲尼禁區左邊地波傳中，拉舒福特近門撞入，個人各戰線連續兩仗有士哥。曼聯又一次完場前取勝，更少打一場仍以一分之差壓過韋斯咸升上第四位，為爭奪最後一張歐聯入場券取得重要三分。

周六英超部份賽果

愛華頓	0:1	阿士東維拉
賓福特	1:2	狼隊
列斯聯	0:1	紐卡素
曼聯	1:0	韋斯咸

註：前者主場

立即下載 | 全新《星島頭條》APP : https://bit.ly/3yLrgYZ