Juicy叮｜冀孫仔搵家境好女友 嫲嫲狂介紹35歲以上「有錢姨姨」

不少長輩對年輕一代成家立室之事甚為著緊，有女網民於討論區發文指，男友的嫲嫲一直希望孫兒找個「家境好」的女友，近日更向他介紹「35歲以上嗰啲有錢姨姨」，令女網民感難受。

該名女網民於「Dcard」討論區發文指，與男友交往至今，男友嫲嫲一直不喜歡她，稱因嫲嫲自覺家景非顯赫，故希望孫兒可找個「家境好」的女友，甚至時常向他介紹一些女生。

樓主透露，對於嫲嫲的行為，兩人只好無奈接受，惟對方近日變本加厲，不斷介紹「有錢姨姨」給男友認識，「真係35歲以上嗰啲，仲要真係好有錢」，更形容「應該係一齊嘅話會俾人包嗰隻」。雖然嫲嫲也明白孫兒與「有錢姨姨」年齡有一定差距，但仍不願放過機會，「係咁叫佢同啲有錢姨姨食下飯先」，令樓主甚感無奈，不知應如何是好。

帖文引起網民熱論，有網民批評嫲嫲的行為不尊重樓主及孫兒，「想孫仔俾人包咩觀念嚟」、「不如叫嫲嫲自己搵番個有錢佬」；有網民則笑言，「不如叫阿嫲益下街坊，介紹俾單身嘅男仔」。

資料來源：Dcard

立即下載 | 全新《星島頭條》APP : https://bit.ly/3yLrgYZ