Mike導創業開攀石場 叫離職Agent L過檔人工一定高過ViuTV

2022-01-19 08:00
Mike導創業開攀石場  叫離職Agent L過檔人工一定高過ViuTV
Mike導創業開攀石場 叫離職Agent L過檔人工一定高過ViuTV

Mike導(劉諾衡)因製作《ERROR自肥企画》爆紅,人氣不遜於ERROR四子,狂拍廣告賺外快。近日Mike導決定創業,在社交網透露:「喺度正式同大家宣佈,嚟緊我會同幾位拍檔開攀!石!場!小弟我非常鍾意做運動,由細到大喺運動入面得到嘅嘢實在太多太多,體魄、意志、友誼……非常希望大家都可以喺呢一個即將會出現嘅地方感受到我感受過/感受緊嘅嘢!!!完!」

 

Mike導一出post,即獲不少好兄弟力撐,「無制限OT編集団」成員輪流在IG Story開心share,其中將離職ViuTV的Agent L出post撐他做老闆︰「你個笑容咁真摯,梗係要支持下啦」,不過Mike導抵死回覆︰「唔知點解覺得你係串緊我」、「一世人兩兄弟搵唔到工嘅咪過嚟做囉,一定高人工過ViuTV」,Agent L好坦白:「呢個真」!

 

Mike導熱愛運動,經常上載攀石短片。
Mike導熱愛運動,經常上載攀石短片。

 

最近由室內攀到戶外,但都有做足安全措施。
最近由室內攀到戶外,但都有做足安全措施。

 

據知「無制限OT編集団」又要籌備新節目。
據知「無制限OT編集団」又要籌備新節目。

 

Agent L撐Mike導,笑言過檔人工一定高過ViuTV。
Agent L撐Mike導,笑言過檔人工一定高過ViuTV。

 

同是「無制限」成員、編劇麥可暉繼續發揮風趣本色:「嚟阿Mike攀石場,有機會見到阿Mike攀石牆」、「請各路英雄大力支持,您支持得多細力都變大大力」、「佢啲肌我都見夠喇,都想畀其他人見下」。曾與Mike導在《香港秘密搜查官》一齊在懸崖宿一宵的徐㴓喬留言:「相信好多人都想同導演一齊癲,終於有機會啦!」就連大師兄何啟華(Dee)都支持:「咁有型得唔得㗎?」

 

喺《香港秘密搜查官》,徐㴓喬曾跟Mike導喺涯崖宿一宵。
喺《香港秘密搜查官》,徐㴓喬曾跟Mike導喺涯崖宿一宵。

 

鬼妹都支持!
鬼妹都支持!

立即下載 | 全新《星島頭條》APP : https://bit.ly/3yLrgYZ 

關鍵字

最新回應

關鍵字

熱門文章