姜濤傳語音訊息再為天瑜打氣周爸爸感恩：你一句說話好大影響力

2022-01-17 13:00

6歲女童周天瑜患上「橫紋肌肉瘤」，但前年5月天瑜於瑪麗醫院切除腫瘤，手術期間發生醫療事故，令天瑜全身癱瘓變成植物人。但周爸爸一直沒有放棄，悉心照顧天瑜希望她終有一天康復，而周爸爸日前在Facebook群組「天瑜醫療事故關注組」發佈一段影片，片中見他在天瑜耳邊播放姜濤的《蒙著嘴說愛你》，怎料她卻出現不少反應，令周爸爸十分激動。而姜濤得知消息後，昨晚（16日）在IG限時動態拍片，再為天瑜及周爸爸加油。

天瑜聽到姜濤的《蒙著嘴說愛你》，出現不少正面反應。

姜濤昨晚在IG限時動態拍片，慰問天瑜及周爸爸。

姜濤表示希望有機會去探天瑜。

原來姜濤不止在IG限時動態拍片，他更私下傳語音訊息給周爸爸，直接送上慰問及鼓勵，而周爸爸在昨晚再在FB貼出雙方語音訊息出來，以感謝姜濤的慰問。當中姜濤向周爸爸說：「我喺網上知道天瑜嘅消息，真係好希望你哋要加油，我唔知我可以幫到你哋啲乜嘢，知爸爸想多啲人知道天瑜嘅事，好開心可以幫到天瑜，其實我都冇做到啲咩，但真心好想同你哋打吓氣，如果醫院嗰邊可以探，你就同我講，我都會同公司講，我都好想過嚟.....你都幫我同天瑜講，姜濤哥哥要佢快啲好返，加油，會好好關注佢。」

而周爸爸亦回覆姜濤：「好多謝你，好感恩，你一句說話已經好大影響力，我會不時喺網上更新天瑜嘅情況，希望得你嘅關注。」不少網民留言為天瑜打氣外，亦讚姜濤今次的行動。