陶大宇冇得如期 「倒轉地球」 商場新春活動要延期

陶大宇早前因在內地表演劉德華歌曲《倒轉地球》，獨特風格引來網民討論，爆紅程度似乎仲蓋過佢早年嘅「遮面笑」同「Jessie之亂」，而佢本人亦都非常玩得，完全唔介意網民嘲笑，大方態度都令網民Like爆！

大宇早前因為喺內地用獨特風格唱《倒轉地球》而成為網民熱話。

 

紅到ERROR嘅保錡都模仿呀！

趁住有熱話，大宇都多咗搵真銀機會，早前就被觀塘一個商場邀請做新春活動的嘉賓，今個月初已經拍晒片同Fans講佢將會出席呢個活動，仲話如果想「野生捕獲」佢同埋睇佢「倒轉地球」就去商場見佢嘞！不過可惜第5波疫情殺到，為配合政府防疫措施，原定本月22日邀請咗大宇出席嘅「迎虎年」活動都要延期。

個新春活動因為疫情要延期。

 

之前仲拍晒片約定啲Fans……

網民都去商場官方facebook留言表示失望：「好唔開心」、「唔好啦」、「失去目睹大宇風采嘅機會」、 「還我大宇😢😢」，亦有網民對於商場安排感到好奇：「迎虎年都可以延期？延至12年後嗎？」定可能要兔年先再見到大宇嘅新春版《倒轉地球》呢？

 

主辦商場宣佈活動延期。

 

網民表示失望。

 

有網民想知延到幾時。

立即下載 | 全新《星島頭條》APP : https://bit.ly/3yLrgYZ