BY2工作室晒公證書被質疑造假 網民問個鋼印扱咗喺邊

BY2女團成員Yumi因為捲入王力宏的離婚風波，令其工作室要多次澄清，日前仲話要告李靚蕾誹謗造謠，今日BY2工作室上載上海張江公證處發出的公證書：「我們沒有顛倒是非的文采，只有公證過的證據和清白。」又以螢幕錄影片段證明早已發過私訊給李靚蕾但未獲回覆。

李靚蕾與王力宏的離婚風波沒完沒了。

 

李靚蕾昨晚（11日）出Po。

 

但因為之前Yumi晒出報案紙、與王力宏的通訊軟件對話及輕生一事都被疑似造假，因此今次又再晒出公文及稱為證據的螢幕錄影片段，都再次被內地網民放大檢視。首先係份公證書，唔少網民都質疑點解封面冇鋼印，更有網民分享專教人分公文真偽的微博貼文，稱真嘅公證書封面左下方一定有個鋼印，質疑BY2工作室偽造文書。

有網民教分公證書真偽，話真嘅左下方會有個鋼印。

 

不過BY2晒嘅公證書個封面係咁，又真係好似少咗啲嘢噃！

 

網民咁講……

另外，BY2與李靚蕾就「私訊」各執一詞，一邊話send咗，一邊又話收唔到……有網民就發現BY2工作室share嘅螢幕錄影片段，同李靚蕾微博名啲字體唔一樣。

 

網民覺得連BY2上載條片都有問題。

 

之前張報案紙已經被網民質疑過造假。

 立即下載 | 全新《星島頭條》APP : https://bit.ly/3yLrgYZ