星島獨家丨江嘉敏「變性」穿裙色誘周嘉洛 飾非一般情侶超多肉搏鏡頭

2022-01-12 11:30
周嘉洛和江嘉敏等人,日前拍攝唱K外景戲。
周嘉洛和江嘉敏等人,日前拍攝唱K外景戲。

周嘉洛與江嘉敏在TVB新劇《四十二章經》中扮演情侶,早前兩人與其他演員拍攝唱K外景戲,講述個性男仔頭、打扮中性的江嘉敏為了追求周嘉洛,刻意「變性」換上白色連身裙大展女人味,江嘉敏笑謂:「其實劇中我只會着兩次裙同高踭鞋,呢場戲就係其中一次,因為要追周嘉洛,並且要用上『極端』方法吸引佢嘅注意,鄺潔楹就教我吊高把聲、嘟嘴講『點解嘅』、『真係㗎』,點知全場人大笑,結果NG咗4至5次,仲有攝影師要用紙巾塞住耳仔話唔想聽到我把聲,可能換咗短髪大家真係睇唔慣。」


早前被指肥了不少的江嘉敏,穿上白色連身裙後見到她修身成功,她透露應監製要求在開劇前努力減肥,成功瘦了4至5公斤,不過早前身體狀況欠佳加上天氣寒冷,終一度支持不住暈倒,自此不敢再食減肥餐單,幸好瘦身後的身形獲監製順利「收貨」。

日前一眾演員開工拍攝唱K劇情。
日前一眾演員開工拍攝唱K劇情。

 

鄺潔楹的爆炸頭十分搶鏡。
鄺潔楹的爆炸頭十分搶鏡。

 

劇中江嘉敏(右)主動追求周嘉洛。
劇中江嘉敏(右)主動追求周嘉洛。

 

現實中會否對嬌嗲的女仔加分?周嘉洛笑謂:「要睇天時地利人和,男女之間嘅化學作用、互動以及其他因素。」另外,周嘉洛透露在劇中跟江嘉敏大玩「非一般」的情侶身體接觸:「我哋嘅身體接觸係互相打鬥,或者係被單方面毆鬥仲多,並且通常係我打佢,因我嘅角色有雙重人格,晚上會變得好暴力,劇中佢為咗滿足我,所以同我有啲『互動』。當然現實中我係唔會打女仔,不過平日跟江嘉敏玩都會『摏』佢兩拳,因為她好『摟打』,但唔討厭,純粹好想打她,因佢有少少似現實版嘅『金城安』。」

結果是江嘉敏(左)「變性」穿長裙色誘男方。
結果是江嘉敏(左)「變性」穿長裙色誘男方。

 

兩人在劇中是非一般情侶。
兩人在劇中是非一般情侶。

文:林子棠 圖:鄧國良

 

立即下載 | 全新《星島頭條》APP : https://bit.ly/3yLrgYZ 

關鍵字

最新回應

關鍵字

熱門文章