鐵拳英雄丨唐詩詠首做打女搏到盡谷胸上陣殺敵預咗受傷

2022-01-04 08:00

2022年TVB頭炮劇集《鐵拳英雄》將於下周一晚首播，劇中三大男主角陳展鵬、陳山聰及伍允龍早已預告會打到飛起，而三位女主角唐詩詠、姚子羚及王君馨亦巾幗不讓鬚眉，分別飾演擅長「八卦掌」的錢芊芊、擅長「峨嵋刺」的金福妹，以及擅長「十二路潭腿」的程安娜。

孤兒芊芊憑藉一己之力在泰國打滾成長，天性善良的她為了謀生，變成精通各種千術及詭計的騙子，但原則是從不幹壞事。除了腦力驚人，芊芊亦擅長八卦掌。談到首度試拍打戲，詩詠除了一再感謝監製文偉鴻給予機會，並笑指開拍前已幫自己做足心理輔導：「其實大家都唔知我演唔演到咁硬朗嘅女仔，連我自己都好擔心。我開拍之前有同自己講一定會受傷，因為拍打戲冇得避，就算度好晒點拍，拍嗰時只要企錯少少位就會受傷。同埋我每日都同自己講今日要做得好過尋日！」

唐詩詠好有型。

詩詠飾演角色芊芊雖然帶點巴辣，但勝在精靈俏皮兼見義勇為，十分討好。

芊芊喺劇中經歷唔少危機，到底佢最後會點樣一一化解？

真係好見義勇為。

而姚子羚飾演的金福妹，是既有勇又有謀的果斷女強人，觀乎劇組發布的最新宣傳照，子羚舉手投足均氣勢十足，眼神更相當銳利！金福妹另一特點，是服裝造型相對「清爽」，對此子羚笑言又愛又恨：「啱啱開始拍嗰時好凍，之後天氣轉熱就好啲（冇咁辛苦），但因為件衫成日要露腰，絕對唔可以食肥，有時仲要縮肚！」雖然已非首次拍打戲，但子羚指今次比之前花了更多心機及時間：「今次係打功夫，形式上好唔同，仲要學耍峨嵋刺。今次有八成係打戲，每日邊打邊學新嘢。」

子羚經常要露腰，笑言有時要刻意縮肚。

姚子羚無論眼神、拳腳功夫以及表情均霸氣十足。

向來予人感覺睇得又打得的王君馨，這次飾演的程安娜身手相當了得，更是重情重義、為了愛情可不惜一切的女子。被認定「武功」與「舞功」同樣強勁的君馨，直指是次打戲最大難度在於穿高踭鞋上陣：「最驚係刮到女仔塊面，所以要用多啲精神。」她又開口感激陳展鵬在拍劇期間幫了她很多，更謂二人今次合作比在《城寨英雄》擦出更多火花。