Ian叱咤反應呆被質疑黑面網民戥佢可惜冇個人獎

2022-01-02 18:30

MIRROR昨晚（1日）於2021年度叱吒樂壇流行榜頒獎典禮有極好成績，組合連成員的個人獎項共掃八個獎。去年被網民批評黑面的江𤒹生（Anson Kong），似乎已學會以平常心面對今年角逐的個人獎項，全程情緒高漲，兄弟得獎比自己更開心，幾乎次次都彈起身祝賀兄弟。不過同團的陳卓賢（Ian）就被網民開Post討論疑似黑面，個Post一開即登上討論區熱門。

AK上次出席叱咤被指黑面。

MIRROR喺叱咤掃咗8個獎。

有網民開Post質疑Ian黑面。

網民咁講。

其實Ian去年都推出了兩首個人單曲《DWBF》及《搞不懂》，兩首歌他都有參與作曲，而「我最喜愛的男歌手」亦躋身五強，可惜未能上台領個人獎項。有網民觀看頒獎禮其間以「有冇鏡粉幫定Ian今晚叱咤黑面諗藉口？」開Post，質疑Ian黑面。不過亦有網民力撐Ian一向冇乜反應，唔算黑面。有網民則認為Ian完全無參與感，不過覺得即使Ian黑面亦情有可原，認為他整體能力不錯，甚至表示：「支持佢單飛（脫離MIRROR），成就肯定高過而家。」亦有網民稱理解Ian的心情，戥他可惜指「好歌冇好報」。

Ian去年出咗兩首個人單曲。

有網民稱Ian一向冇乜反應。

有網民叫Ian今年加油。

翻睇頒獎禮，其實Ian只不過是貫徹呆板性格，冇乜表情，應該又未至於黑面嘅！即使MIRROR其他兄弟得個人獎項，他雖不至於跳起身祝賀，亦有拍手戥兄弟高興。有網民稱：「今晚好似所有鏡頭拍到佢都散發一種好唔開心嘅感覺。」Ian昨晚（1日）拎「我最喜愛的組合」時有露出笑容，不過在表演時又收返啲笑容，令網民隔住個Mon都話Feel到他不開心。有網民留言叫他加油，希望他2022年出多啲歌，指Ian值得更多。