梁熙承諾 爭取小西灣建港鐵站

以爭取「西灣河港鐵站」一舉「成名」的新任立法會議員民建聯梁熙，昨日接受電台訪問時，再次澄清當日「肯定係口誤」，事關選舉期間出席十幾個論壇，加上自己日日企街站，每日瞓得三四個小時，「精神都唔夠」，到現身最後一個論壇答問題時就「出事」，「嗰時諗緊小西灣」，「我唔係講緊西灣河港鐵站」，結果帶來了「西灣河梁熙」、「童工熙」、「傻熙」和「倒抽一口涼熙」等花名，他欣然接受。

梁熙承諾，今日履新後會繼續爭取在小西灣興建港鐵站，包括要求立法會秘書處就項目進行研究，望以更具權威性的研究結果，去駁斥政府過去反對興建小西灣港鐵站的理據。被主持問到會否就此提口頭質詢和議案，他就說「能夠做嘅我哋都會去做」。

他又提到，立法會前主席曾鈺成是其偶像，「絕對對佢（曾鈺成）唔住，咁唔小心講錯晒嘢，佢都肯繼續撐我，我都真係唔好意思。」