Juicy叮｜同事懶為水機換桶只懂撲水 網民呻：根本係一場社會行為實驗

有網民在「香港討論區」發文，抱怨公司同事拒絕為茶水間的飲水機換水桶，引來不少人共鳴。

網民指，早上有一堆人會沖咖啡或者荼去提神，到中午飲水機的水已經近乎耗盡，不時見到有同事去倒水的時候，水機就會發出聲響提示快無水，然後總會再有一兩個人走出去盡快倒水。

網民形容，「當出去嘅人發現無水後，你以為佢會為你換水？No、no、no，佢地會將支水打斜放，再倒剩最後少少，然後就返位坐」。網民抱怨，「係依個時候，所有同事突然間好似唔使再飲水咁，無論過咗一個、兩個、三個鐘，都唔會再有人出去倒水飲」

明白到絕望的網民最後只能無奈去換水，「然後，所有同事就會突然間好似好想飲水咁，一個接一個出嚟倒水」，難怪網民形容「公司換水，根本就係一場社會行為實驗」。
不少人都有同感，「我公司都無人肯換水」、「啲女同事通常都借啲意唔換等男仔換」、「大把呢啲人，寧願唔飲都唔會換，女人當無力換都算，男人都係咁，真係覺得好差」。有人認為「自己買樽裝水咪得囉水機其實污糟到爆」。

帖文轉載自「香港討論區」

 

網民抱怨公司同事只會飲水不想為水機換水。示意圖片