愛回家丨林淑敏被指遭珍姐捉遲到 許家傑人格擔保係敬業演員
2021-12-21 17:15 
林淑敏與許家傑今日宣傳TVB處境劇《愛·回家之開心速遞》，「蓮輝CP」將於下周一（27日）一集中大婚，淑敏稱是該劇拍攝以來最大壓力的一次，因為知道觀眾好期待，而拍攝過程的確似足結婚，她說：「我結婚只係行教堂冇做儀式，所有習俗都唔知道，所以都要重新再學過。」家傑則稱為拍攝婚紗相出外景，收到好多街坊及觀眾問候及恭賀，淑敏笑言以為是道具相片，未想到真的要借婚紗及禮服，笑言借了好多靚衫但上圍不夠豐滿，因此花了不少時間裝身，多謝劇組體諒，二人又預告婚禮有甜蜜場面。
《愛回家》演員陣容鼎盛。
提到日前有報道指淑敏被高層曾勵珍捉正遲到，家傑即表示要護航，笑說：「我以人格擔保，佢並唔係遲到王，而係一位敬業樂業嘅演員。」淑敏稱有這種報導也覺得沒所謂，她說：「始終係第三者把口，唔係珍姐直接講，我有問監製，佢聽到都好茫然，但感受到拍檔們都好好，幫我打氣。（同樣被指遲到的許家傑指見過珍姐？）我哋都會開製作會議，都會討論。」
許家傑話林淑敏絕非遲到王。
「安仔」周嘉洛回歸啦，同媽咪滕麗名合照。
蘇韻姿打扮好有聖誕氣氛。
關鍵字
最新回應