九龍塘小朋友跪地叩頭認錯2分鐘 外傭懶理：because he is naughty

今日網上流瘋一段僅7秒長的片段及一張相，片中所見，一名年約2至3歲的小朋友跪在地上，狀甚可憐，而站在前方的外傭則未有理會，亦沒有扶起小朋友。

消息指，事發日期為今日下午近5時，地點位於九龍塘廣播道香港電視電視大廈對出。當時有數人在港台電視大廈對開等巴士，其間一名小朋友跪在地上大約兩至三分鐘，不停做出叩頭動作及講sorry。有女途人初時以為小朋友跌親，於是上前了解，惟小朋友不懂回答，只好向站在旁邊的外傭了解，豈料對方竟指「because he is naughty」(因為他頑皮)，要求小朋友當街叩頭認錯。

該名女途人將片段拍低並放上facebook，直言「睇到好心痛，小朋友做錯咩要向工人姐姐下跪？當眾羞辱會令小朋友自尊心受損」，又希望小朋友的家長能夠發現事件。

片段在短時間內不斷瘋傳，有網民直斥涉事外傭行為非常不妥當，又指其行為會令小朋友留下童年陰影，「無論小朋友點百厭都好，都冇理由當街罰跪同叩頭道歉」、「教育同羞辱係兩回事，嚴厲管教同要個幾歲大嘅小朋友大街大行對你下跪認錯，性質完全唔同」、「咁樣當街羞辱小朋友，小朋友會有童年陰影」。