顧定軒搞多媒體展覽開心fans聽其作品後能釋懷入睡

2021-12-16 15:30

顧定軒（Zeno）早前推出首支單曲《尼斯》，並於深水埗為新歌搞多媒體展覽，藉此剖析自己的內心路。Zeno今日出席展覽的開幕禮，張進翹和麥曦茵都有到場欣賞，Zeno表示展覽籌備了3個月，有時間都會到場，希望能和參觀者多作交流。

本身是演員的Zeno首次推出單曲，問他可有計劃繼續出歌或出碟？他笑說：「唔敢諗，資源有限，今次出歌同搞展覽都用咗6位數（以十萬計），用盡公司資源。其實一開始本來對唱歌信心唔大，但音樂比電影嘅創作空間更大，所以先會作出嘗試，之前喺一個迷你音樂會上，有失眠嘅粉絲同我講，聽完我嘅歌覺得釋懷能夠瞓覺，令我好開心，能夠畀到人正能量，正係我想做嘅事。」他又透露正忙於拍攝一些學生作品，笑言很久沒拍戲，希望快點有機會。