郭秀雲收養大嘴鸚鵡嚇親老公 最鍾意kiss主人
2021-12-13 16:45 
郭秀雲和兒子龐景峰今日在將軍澳現身《象義行》籌款活動，宣揚禁止象牙貿易。郭秀雲帶同領養一星期，重6磅鸚鵡放在肩膊上，笑說：「我先生未習慣佢咁大個嘴，有啲驚，因為佢會kiss我哋。」又試過鸚鵡突然大叫Hello，嚇得身邊工人姐姐倒瀉酸梅湯，場面搞笑。
郭秀雲透露老公本來不太喜歡鸚鵡，但一年前朋友送了隻鸚鵡給他，老公竟然錫到燶，她說：「有次帶同鸚鵡行山，斷鏈飛咗落山，連老公都落埋山去拯救，再等人救佢哋，佢有畏高症都咁樣做，動物同人嘅感情無分海、陸、空。」
同場七仙羽稱「一樣師傅愛你」，人和小動物無分界限，但她不會騎大象，認為訓練大象來娛樂大眾好慘，只會畀錢當捐款。
最新回應