Juicy叮｜男同事租屋與女友同居要求送入伙禮物 港男：搬又要再送？

當親戚好友搬新居時，少不免需要送上入伙禮物。然而，有網民發文指，公司一名男同事與女友一同租屋居住，並邀請同事參加入伙派對，更開口要求眾人送入伙禮物，令樓主不禁質疑「依家租屋住都要收入伙禮物㗎咩？如果佢隔幾年又話搬咁咪又要再送畀佢？」

樓主近日以「 同事自己搬出嚟住都要送入伙禮物？」為題在香港討論區發文，指公司一名男同事近日與其女朋友一同租屋居住，並邀請同事參加入伙派對，順道當作為聖誕派對。樓主續指，原本以為只需購買1份聖誕禮物在派對中玩交換禮物即可，但該同事竟要求其他人額外購買多一份入伙禮物，樓主因此不禁在文中質疑「依家租屋住都要收入伙禮物㗎咩？如果佢隔幾年又話搬咁咪又要再送畀佢？」他又詢問「如果其他同事有送我唔送會唔會好樣衰？」

不少網民紛紛留言，認為樓主毋須理會該名男同事的要求，又指「又唔係朋友，唔使送入伙禮物都得」、「又真係無聽過租屋搞入伙喎」、「通常買樓先有入伙禮物！」、「擺明當你哋水魚」、「真好，年年搬屋年年收新居禮物，有如年年都有得收嘅生日禮物」等。另有網民則建議樓主先詢問其他同事意見，「提前問一下其他同事送不送入伙禮物，同事送你就送」。另有人則建議「買食嘢，當場齊齊食咗佢」、「是但買張$100超市禮劵畀佢囉」等。

帖文來源：香港討論區