東華｜朱晨麗苦練2個月成功「變臉」 澄清生日飯局冇猛男
2021-12-12 13:15 
朱晨麗和譚俊彥（Shaun）昨晚在TVB《歡樂滿東華2021》中表演特技項目《俊男麗人變變變》，兩人以探戈舞步混合魔術演出，朱晨麗大玩高難度國粹，施展七重變臉，精采演出獲得現場歡呼。她自言經過兩個月刻苦練習才成功，每日面部焗住幾小時，幸好懂得保養皮膚。
朱晨麗稱在練習過程中最困難要微量呼吸，手勢要快靚正，避免失手，雖然變裝需時45分鐘之多，但也值得和開心。身旁的Shaun即笑說：「多謝你，令我上次手舞後挽回少少自信心，俾人讚。」更多謝老婆作秘密武器在後台打氣。
朱晨麗被爆生日與劉溫馨和白雲現身溝仔派對，最後還跟猛男離開。朱晨麗笑着否認：「冇咁嘅事，當晚只係普通食飯，報道誇張咗，我仲一車逐個送佢哋返屋企，冇猛男，只有靚女，而且食飯地方只係餐廳，不是夜店，因為現場仲有其他女仔朋友，唔想牽涉到佢哋，唔好將件事講到咁差，我要企出嚟解釋返件事。」
朱晨麗承認身邊不乏追求者，亦有很多朋友，但因忙於工作，生日慶祝活動也未能一一安排，稍後要還債食生日飯，緋聞男友何廣沛也有送上生日祝福訊息。
最新回應