姜B阿Dee強尼大鬥演技 搞笑無奈激情全發揮

最近Mirror、Error甚至強尼都成為廣告紅人，接廣告完全冇停手！不過廣告都通常好短，未必有好大空間發揮！有藥廠就搵姜B、阿Dee同強尼拍辦公室恩怨情仇，搞笑無奈激情全部戲路都可以發揮，有如戲劇家史坦尼斯拉夫斯基所講，由外到內再到返外，過足戲癮！而短片出了短短10日，就已經近百萬view，證明好戲的確有人欣賞。

三位主角可以火力全開演技爆發，除了廣告足本版7分鐘夠長之外，更因為場境設定為sales的打工日常，真實感十足，由姜B、阿Dee及強尼代入角色，完全是good casting！首先要讚的當然是強尼big boss，由他來演繹中年老細的霸氣及無奈，不慍不火下透露出的抵死幽默，十分到位！至於姜B亦到好有驚喜，廣告中由姜B升呢至姜Man，由入世未深初出茅廬的小子，到遇強愈強堅定信念的藥廠職人，中間的心境轉變拿捏得恰到好處，是姜B近期廣告中最有得發揮的角色。

面對兩大強手，Error阿Dee又豈會執輸！在廣告中他的一身橫練肌肉送水佬，一出場就先聲奪人，去到廣告中段出「鳳凰鳥」大絕，更加是阿Dee的拿手好戲，壓軸一招「鳳凰MAN爆鳥」，更加同姜Man齊齊鬥升MAN，氣場完全不輸阿Dee同強尼。要在三位主角之中揀選最佳男主角，幾乎是不可能的任務，想知他們拍攝期間的努力付出，一定要留守到廣告最後，NG版還有多笑位，讓大家看看三子「由外到內再到返外」的戲路大爆發！

另外，姜Man宣傳車將會走遍港九新界不同地方，姜糖們想同姜Man打卡，可以Follow MSD的Instagram @fight.hpv 留意出沒時間同地點啦！
 

強尼在廣告中扮演老細，霸氣得來又有人性一面，演技令人讚嘆。

 

姜B升呢至姜Man，中間的心境轉變拿捏得恰到好處。

 

阿Dee一身橫練肌肉，一出場就先聲奪人。

 

除了幾位主角之外，其他角色都玩得好盡。

 

姜Man宣傳車將會走遍港九新界不同地方，讓姜糖們與姜Man打卡。