周揚青着貼身裙晒深長事業線 網民笑小豬走寶

33歲內地網紅周揚青(Grace)去年踢走鍾意「多人運動」的渣男男友羅志祥(小豬)，自此在台灣知名度大增，在內地亦好受綜藝節目監製歡迎，不斷邀請她做節目。

經常想復出的小豬會擔任明年1月的「凹嗚狼人殺總冠軍 台北小巨蛋演唱會」表演嘉賓，不過一直捧陳零九、邱鋒澤等五堅情的粉絲，對小豬卻十分抗拒，在官方IG留言表示會抵制小豬，搞到門票滯銷，睇嚟小豬要復出可能要等到2046。

周揚青雖然超級有米，但佢唔會剩係識問屋企攞錢，自己都有服飾品牌，仲好勤力做宣傳，同fans又好有互動，做老闆嚟講，屬勤力型。尋日（8日）Grace上載咗一堆性感相，着住黑色低胸貼身短裙嘅佢係咁擺甫士，陰功眼神加蛇腰再配幾CM長嘅事業線，好多Fans留言讚好靚，亦有人話小豬走寶，「羅會後悔一輩子。」