陳嘉寶為找代母生B平反 激罕影全家福晒巨肚

陳嘉寶（Anjaylia）三年抱三，與老公黃頌祈（Epaphras）婚後先後誕下大女Hosanna與二女Eliana，並將於本月尾迎來第三胎的誕生。Anjay揚言誕下第三胎後封肚，早前趁產前拍攝一輯孕照來留念，與老公和兩位寶貝女，一家五口拍攝全家福。
首次正式拍攝懷孕照的Anjay挺着巨肚，穿上多套服飾，以黑色為主調配搭的冬裝、牛仔褲造型與吊帶長裙，雖然拍攝時已懷有8個月身孕，但Anjay得天獨厚，手腳纖瘦，不見孕婦的水腫，型格十足。但拍攝初期，Anjay也顯得不太習慣，大嗌感覺赤裸裸的，更自嘲似豬八戒捧着大肚腩！

提到第三胎才拍懷孕照，Anjay說：「大家成日問我個肚喺邊？過去兩胎成日問我點解唔影？今次就影嘞，做個紀念，同埋滿足大家嘅好奇心，其實我係有肚架！之前曾經有人懷疑過大女Hosanna唔係我生，話我係搵代母，所以真係想話畀大家聽，我真係有個肚架！哈哈……今次就攞出嚟畀大家睇吓啦！」
Anjay透露婆婆家族在上世紀二、三十年代是經營照相館的，當看到家中懷舊的全家福，Anjay特別感觸。而今次影全家福，亦令Anjay懷念跟老公影結婚相的感覺。不過，見到兩個囡囡Hosanna與Eliana好活躍地跑來跑去，她無奈地說：「為人父母後，跟小朋友一齊影相的感覺是好忙亂、忙亂同忙亂，目標只想快點影到有就得，感覺是變成任務。」

預產期在聖誕期間，Anjay已做好準備功夫，不過她心裏卻希望待節日後才「卸貨」，她笑說：「其實現在開始有點緊張，還未準備走佬袋，不過BB用品已經齊備，所以都不會擔心。因為BB預產期剛好在聖誔節跟元旦，希望等我開完派對，BB才出世，因為如果坐月的時候開派對，好多食物也不能吃，所以等我enjoy下先啦！」