姜濤指花姐似阿媽 計劃29歲退休移民外國

現年22歲的MIRROR人氣王姜濤，最近接受美國華語節目《偶像名人堂》訪問，一直渴望可以盡早退休的姜濤，在節目中笑言已向阿媽提出要29歲達成退休目標，並有意移民外國。

訪問一開始，姜濤透露參加《全民造星》是因為窮，讀書時期連攞一、二百元報名費都有困難，而《造星》是免費所以報名。但入行後，工作量排山倒海，姜濤直認情緒一度出現問題，所以要將工作當成娛樂及生活，苦笑說：「諗點捱就真係好難捱，要識得同工作人員溝通，每日識到好多人都幾好玩。」

提到經理人花姐，姜濤視對方是娛樂圈中的「阿媽」，有時好溫柔、有時好惡，但無論做任何事都是對自己好，所以對她百份百信任。談到擇偶條件，姜濤直言一年前的答案，一定要「長頭髮、肥肥哋」，但現在覺得喜歡一個人，其實不需要一個特定標準，簡單一些，鍾意就鍾意，他一臉認真說：「如果你係因為呢啲setting去鍾意一個人，我唔覺得呢個係愛情，我唔會畀任何嘢框住自己。」

訪問尾聲，主持人邀請姜濤將來有機會要去紐約打邊爐，他顯得十分雀躍，並自爆退休計劃：「我最近先同我阿媽講，我firm我29歲要退休呢件事。我係有諗過移民外國，一定要嚟一次紐約。」主持表示很多粉絲期待，姜濤微笑回應：「到時大家可能認唔出係我呢！」