甘比親往探望小朋友預祝聖誕節籲大眾關心小型團體加以幫助

2021-12-01 11:30

劉鑾雄慈善基金信託人之董事陳凱韻女士（甘比），前日（29日）往協康會的富昌中心進行探訪，她表示：「好開心今次去咗中心，中心同事向我示範咗點樣用『劉鑾雄慈善基金』捐贈嘅深層軟組織治療機。藉住呢部機器，物理治療師可以俾患有腦神經發展困難嘅學童，深層軟組織治療，幫佢哋拉筋、肌肉伸展、改善踝關節活動幅度等，從而加強佢哋日常生活嘅能力，成效顯著，至今已幫咗過百個小朋友。」

此外，甘比亦旁聽了幼兒導師如何教導言語遲緩的小孩，導師的諄諄善誘是幫助這批小朋友的關鍵，她指基金只是藉着一點資助從中盡點綿力，令更多的言語遲緩的小孩得到適當的訓練，她最後說：「好希望社會大眾，除咗選擇幫助一啲大型機構外，亦可以細心發掘呢啲小小嘅團體，協助佢哋幫助其他人！我好開心，我哋嘅捐贈能夠真正幫到有需要嘅人，尤其係呢一班未來嘅社會棟樑。」而甘比亦不忘預祝中心的小朋友及大眾有一個快樂的聖誕節。