王梓軒自認問題學生激嬲老師

　　(星島日報報道)王梓軒獲香港兒童基金會邀開辦音樂創作課程，啟發中、小學生音樂創作潛能。早前梓軒與演鬥band成員鄭嘉嘉、張可永到番禺會所華仁小學，向多位教育界要員及30位校長們示範即興創作，以環保主題用現場人士提供的「減炭」、「再重用」作素材，花5分鐘就即興創作出一首兩分鐘的歌曲，外國長大的張可永記中文歌詞卻甩嘴，被梓軒笑言：「即興創作會係點？最精采就係會甩轆！」

　　梓軒又分享小時候頑皮事：「我小學時問啲問題好複雜，問到老師會嬲嬲地，覺得我煩，答唔到就攞張鐵凳反轉咗，我成堂淨係坐住張凳腳，佢係要不停懲罰我先會收聲，所以希望你哋唔好遇着呢啲！」