獨家丨姜濤「第九胎」揭盅 零的突破跟AGA合唱新歌

2021-11-24 21:30
姜濤口中嘅「第九胎」係同環球歌手AGA(江海迦)合唱。
姜濤口中嘅「第九胎」係同環球歌手AGA(江海迦)合唱。

「人氣王」姜濤喺今年8月推出新歌《Dear My Friend》,兩個月後經已喺社交平台貼自拍照,預告即將推出「第九胎」新歌,又留言話:「九胎九胎九胎,滿腦子都是你。」但就冇具體談論有關詳情,搞到「姜糖」鬼咁緊張,猛留言話好期待。直至本月初姜濤繼續不停煲他的「第九胎」,留言話:「漫長的過程保持耐力慢工出細活」、「九胎錄到一半發現一首很好聽的歌,喉嚨癢唱一下。」據知原來「第九胎」係姜濤零的突破,因為呢首係同環球唱作歌手AGA(江海迦)合唱嘅新歌《I Know》,亦係姜濤第一首同女歌手合唱嘅作品。而兩人將於明晚(25日)錄影《Chill club》,首次喺節目中現身獻唱。

姜濤口中嘅「第九胎」係同環球歌手AGA(江海迦)合唱。
姜濤口中嘅「第九胎」係同環球歌手AGA(江海迦)合唱。
姜濤欣賞AGA音樂才華。
姜濤欣賞AGA音樂才華。

過往姜濤曾經同女歌手謝安琪、鄭秀文、李幸倪(Gin Lee)、林二汶等合唱過,但就未試過同女歌手有合唱歌。據知,姜濤和AGA互相欣賞,姜濤亦很欣賞對方嘅音樂才華,更有意做埋AGA明年演唱會嘅表演嘉賓,現場獻聲。昨晚(23日)姜濤仲突然出IG Story,留言話之後開個直播和大家交代一吓之後的事情,但就講明唔會係昨晚(23日)嘅事,令事件添上神秘感,而時間上正好同錄影完《Chill club》,公開「第九胎」好配合。

兩個月前姜濤已喺IG留言話:「九胎九胎九胎,滿腦子都是你。」
兩個月前姜濤已喺IG留言話:「九胎九胎九胎,滿腦子都是你。」
AGA都欣賞姜濤嘅努力及才華。
AGA都欣賞姜濤嘅努力及才華。

姜濤在2019年6月單飛出道短短的兩年,先後推出8首個人單曲《一號種籽》、《亞特蘭提斯》、《一天多一點》、《蒙著嘴說愛你》、《孤獨病》、《愛情簽證申請》、《Master Class》及《Dear My Friend,》,其中《蒙著嘴說愛你》MV點擊更突破千萬,今次將推出第9首單曲,大家都相當期待姜濤將會唱咩類型嘅新歌!而喺呢個時候出歌可以跟AGA進一步推高人氣,絕對雙贏。

姜濤曾經同女歌手林二汶合唱。
姜濤曾經同女歌手林二汶合唱。
昨晚(23日)姜濤突然出IG Story話,之後開個直播和大家交代一吓之後的事情。
昨晚(23日)姜濤突然出IG Story話,之後開個直播和大家交代一吓之後的事情。
姜濤及「姜糖」都非常期待「第九胎」。
姜濤及「姜糖」都非常期待「第九胎」。
姜濤同Gin Lee都合唱過。
姜濤同Gin Lee都合唱過。
AGA明年開演唱會,姜濤有機會做表演嘉賓。
AGA明年開演唱會,姜濤有機會做表演嘉賓。
關鍵字

最新回應

關鍵字

相關新聞

熱門文章