Mr.結他手MJ轉行做紋身師為好兄弟紋上心中完美圖案

2021-11-24 07:30

樂隊Mr.五位成員包括布志綸（Alan）、黎澤恩（Ronny）、譚傑明（MJ）、譚健文（Dash）及杜志烜（Tom），現今已各自發展，其中曾經和卓韻芝拍過拖的MJ，如今已成為一位紋身師，而Dash的孖生兄弟譚健勞（Kean），近日便找MJ為自己在背上紋身。

Kean當年曾經出任Mr.的幕後工作人員，他近日在IG貼出找MJ紋身的相片，他留言：「跳出comfort zone真係唔容易，要由0開始更加需要勇氣.....以前見住佢一路做訪問一路畫公仔，心諗『咁鐘意畫，出本書！』吹脹，佢真係出咗一本。完約後各自奔波外又一齊工作，佢話鐘意紋身我話：『唔洗諗即刻去做，我留個背脊俾你紋！』2021年11月17日，大家嘅承諾兌現了，將一塊皮膚交俾呢位紋身師然後將自覺最代表自己加埋屬於佢嘅signature手筆一齊留喺同一位置，此刻完美。明仔，記得呢單嘢起碼要做10年。只要你繼續用對結他手去創作，書檯都可以變舞台，由零直到加場也不變。」