Juicy叮｜七年無見同學突約食飯 推銷能量水再賣保險惹反感
2021-11-23 11:44 
有朋自遠方來，非傳銷即保險？有網民指，近日有一名無見7年的中學同學突然邀約他吃飯，怎料對方席間竟連環推銷能量水及保險，雖然他最終可「全身而退」，但因感到被欺騙，心中很不是味兒。
該名網民疹「香港討論區」發文，指一名7年無見的中學同學日前突然主動邀約他吃飯，由於當年二人「玩得埋」，所以樓主對能與舊同學重逢感到高興，特意請假半天應約。最初他們都是分享中學往事，但對方突然指樓主「面色唔係幾好」，並開始推介一支「鑽石能量水」請他喝，更形容「本身賣成150蚊一支」，樓主見勢色不對，便強硬拒絕，「話呢啲嘢唔太適合我，我買開保險」。
樓主本來以為事件可以告一段落，但此時舊同學竟從手提袋中拿出一份保險計畫書，「話佢正正有份好好嘅儲蓄保好適合我」，令樓主當下不禁懷疑「佢係唔係已經計好晒，一雞兩味呃我一鑊」。最終樓主在極力拒絕下，成功沒有買任何東西便離開，遂趁機提醒網民「有朋自遠方來，不是保險就是求財」。
帖文引起網民討論，不少人都表示曾遇過類似經歷，「任何時空，有人無端端搵你或者攔住你，都係想搵你著數」、「好嘢點會自動送上門」、「我有舊朋友又係咁」、「仲可以係問借錢」、「多年冇見，突然好熱情單獨搵你，都係嗰幾味，借錢、傳銷、Sell保險」、「10年8載冇聯絡，突然約你出嚟都係冇好嘢，一係搲保單，一係搲錢，特別係過咗30歲後」。
資料來源：「香港討論區」
關鍵字
最新回應