林德信加操8嚿腹肌拍MV 自薦做林子祥演唱會嘉賓

林德信（Alex）今日在中環出席愛護動物協會活動，向來身型fit爆的Alex，表示為了即將拍攝的新MV，最近還會勤力做健身和瑜伽，以及調整飲食作配合，希望令身上的8嚿腹肌更「大嚿」。Alex在社交網貼出兒時的露股照，問會否加操股肌在MV亮相？他笑謂：「呢啲細個就可以，大個咗就要收埋。」

提到父親林子祥將於明年3月在亞洲博覽館舉行演唱會，他大表期待：「因為上一次爸爸開演唱會，都已經係兩年前嘅事，加上最近佢喺內地演出時嘅表現好放，好耐都未見過，相信到時爹哋必定會好精神，仲會有新作推出。」會否自薦做表演嘉賓？他即說：「最好啦，我嘅腹肌都準備好喇！」