泫雅狂野露黑色喱士Bra　 騎住男友大髀拍廣告　

韓國性感女星泫雅同男友DAWN拍拖5年，兩人長期處於熱戀狀態，社交平台Always放閃，難得Fans睇唔厭。晒命情侶剛為韓國時尚雜誌拍攝服裝廣告相，泫雅著住紫藍色碎花套裝，外套冇拉拉鍊，喱士黑Bra一覽無遺，睇開泫雅IG應該覺得睇到慣，而男友DAWN亦上身真空。

兩人行開性感形格路線，只露心口廣告商點會收貨，所以就見到泫雅大膽騎住男友大髀，露膊又露髀，兩人再配埋嘴唇微張，由內到外都好Sexy。

泫雅亦公開拍攝花絮片段，她在片中與男友頭貼頭，兩張嘴就快要Kiss咁，Dawn又會去哄女友，泫雅後來更印了唇膏印在男友嘴角位，兩人又不停扭腰互動超Sweet，賺錢之餘又可以拍拖，最正就係咁。