Juicy叮｜交逾200磅肥女友遭父母催分手 港男暗續情緣苦惱怎結婚

肥人無幸福？在「香港討論區」有男網民苦惱，稱家人不喜歡他一名重達200多磅的女友，催促他早日分手。他陽奉陰違多年，但女友近日明言要一個名分，要他立即跟父母坦白。但他不欲告知父母，正苦惱有甚麽辦法如何結婚。

男網民稱，他與女朋友拍拖4年多，由初相識至今女友都是160多厘米高、200多磅重，一直都沒有大變動。在雙方拍拖一年多之後，男網民就帶女友回男方家中見家長，「我父母好唔鐘意佢，係直接叫我同佢分手算，話咩帶個咁肥嘅返黎，我都係冇理佢哋，照樣同女朋友一齊，但係同屋企人講就話散咗，咁樣相安無事咗幾年，」

男網民原本打算，待儲夠錢明年就和女友結婚，無視家人的目光，但女朋友則堅持立即要男方家人得知她的存在，結果男網民內外不是人。他抱怨，「點解一定要知？結婚唔係兩個人嘅事咩」，「依家搞到夾硬要我依加講，唔講就分手，真係好無奈」，「知道又點？知道都唔可以改變到佢哋唔鐘意我女朋友架」。

他又解釋，目前正與家人同住，「原本諗住儲多一年錢就同佢結婚，到時父母唔鐘意，先係結婚資金拎少少，搬出去住，咁樣我先可以唔使理屋企人點」。

有網民留言就指，「拍拖先係兩個人嘅事！」、「結婚唔止係兩個人既事，亦都係兩家人的事，最大問題係你無好好同家人溝通」。

有網民質疑既然男事主都不顧家人反對拍拖，「既然你都想娶佢，又話可以唔理屋企人點樣，而女友又想你父母知佢存在，咁點解你唔講畀你父母知呢？既然你可以唔理屋企人點樣，就算話畀父母知事實，佢哋做啲咩，都影響唔到你。但又可以滿足到女友，點解唔做呢」。

也有網民就建議，「很多肥胖的男女，只要瘦身成功，其實會是俊男美女。或許你嘗試多些與她拍拖做運動吧」。

不過有網民不理解，為何男事主對一名200磅重的肥妹非娶不可，男事主就解釋，他178厘米高左右，70多公斤重（約154磅），「我又唔係靚仔，佢又唔係靚女，竹門對竹門咁」。

帖文轉載自「女朋友200磅 屋企人唔鐘意 好煩惱」