湯怡被睇死會離婚一笑置之

　　(星島日報報道)湯怡昨日出席美容活動，她笑指五個月大的女兒「MakQQ」以前會睡足十小時，但近排朝早七點就睡醒，令她懷疑可能打完疫苗針有所影響，胃口不及以前好，因不夠集中而要分三餐吃，她說：「女兒聽到少少聲就會周圍望，但係好事嘅，夠晒好奇、遺傳老公。我細個一舊飯咁，唔講嘢又乜都驚，反而女兒好大膽又好奇，寧願似老公比較好奇，我細個太過文靜，媽媽以為我有自閉症。」她又大爆日前女兒跟老公玩時笑得好開心，感覺女兒開始長大，令她感動落淚。問到可會追生B？湯怡笑言有計畫，由於聽聞生第二胎後容易身材走樣，故有待操練身形線條先，起碼一、兩年後才再生B。

　　提到早前於IG限時動態發起「你問我答」時，有網民睇死她與老公麥秋成會離婚，湯怡說：「唔會嬲，都係一笑置之，都唔係第一次有呢啲留言，出面嘅人唔知我同老公之間感情。」