Juicy叮｜新張壽司店顧客只食魚生剩飯糰山 網民斥浪費食物折墮

世上很多人只能奢望三餐溫飽，而環境局的「大嘥鬼」亦屢屢提醒市民「食得晒先好嗌」。不過有網民在「香港討論區」上載相片，可見在一間新開張的日式迴轉壽司店，有食客離席後，遺留一大堆白飯，相信有至少4至5塊壽司的飯糰。

上載相片的網民斥責有關食客是「成班大晒鬼」，嘲諷「無刺身食？叫壽司唔食飯咪得！」

相片引來大批網民聲討浪費食物的行為，指「香港人真係折墮。」、「從來未試過咁樣浪費食物！啲人真係好晒好浪費...」。也有人指出這只是冰山一角，「啲XX食放題，叫哂海膽手卷就唔食飯，仲要好X得戚寂咁！正XX」、「真浪費食物！我都見過有條𡃁仔（應該小學生）喺XXX叫漢堡包攞起唔食塊牛肉，淨返啲青瓜生菜加茄汁食！」、「有次同個朋友同埋佢女朋友去食放題，我朋友同佢女朋友叫將啲壽司飯掉哂落個桶仔度，淨係食麵個嚿刺身，我睇到眼都突埋，真心好折墮呢啲人」

有人認為「唔想食飯咪叫刺身！」、「如果無刺身你可以選擇唔食，叫左壽司就應該食埋啲飯，做人最基本唔好浪費食物！」，亦有人建議「應該設罰款制。」

不過也有一些網民反過來質疑，「畀咗錢，有咩問題？」、「關你鬼事咩有畀錢咪得囉」、係咪整得太難食頂唔住咋。」


帖文轉載自「（成班大晒鬼）冇刺身食？叫壽司唔食飯咪得！」