Juicy叮|男友A4紙寫字當拍拖1周年禮物 港女無奈:寧願你唔送

2021-11-14 16:45
示意圖(劇照)。
示意圖(劇照)。

雖則常說「物輕情義重」,但若送禮太敷衍,難免會令收禮者感到難受。有港女指,與拍拖滿一年的男友吃飯,並送出已準備兩個月的一周年紀念禮物,怎料男友竟拿出一張只寫了「bb周年快樂!<3」的A4紙給她,令她無奈指「真心寧願你唔送」!

該名港女在網上討論區「Dcard」上,以「我寧願你唔送俾我…」為題發文,指日前是她與男友拍拖一周年紀念日,她兩個月前便已開始計畫送甚麼。她指,事前並沒想過要互送禮物,因男友畢業前忙於課業,故只要男友願意陪她吃飯慶祝便已很開心。

紀念日當日吃飯期間,港女拿出禮物送給男友,未料男友亦說他準備了禮物,本來令好非常驚喜,怎料男友拿出的竟是一張摺了一半的A4紙,她打開後發現裡面僅用鉛筆寫了「bb周年快樂!<3」幾隻字。她無奈表示:「其實我唔介意你冇準備㗎,但係如果你送,可唔可以用少少心準備」,她不知會否有人說她「好harsh(苛刻)、好港女」,但她說「真心寧願你唔送,因為份禮物令我覺得你為送而送hea(敷衍)緊我」。

帖文引起網民熱議,不少人都留言批評樓主的男友毫無誠意,「好似臨出門寫咁」、「唔送好過送,就咁睇唔覺佢珍視你囉」、「捲好佢搵個禮物盒裝住,下年送返畀佢,時光寶盒」、「唔記得可以補返,點解可以咁hea」。另外亦有網民分享周年紀念的「慘痛」經歷,「諗起我個ex (前度)anniversary(紀念品)嘅時候禮物冇送,食飯遲到仲要冇帶錢出街,餐飯都係我俾」。

不過有網民就試圖為樓主男友「解圍」,「其實我覺得幾得意… 不過最好有後補一份正式嘅禮物」、「係咪整蠱你,之後俾surprise(驚喜)你咋」、「單憑禮物有無心嚟判斷對方係咪hea緊你又好似有啲武斷,學你話齋佢好大機會係讀final yr(year)先忙到禮物都無咩時間準備」、「我覺得呢度太多人都好用物質上價值去判嘢一個人愛唔愛你。如果個男仔真係用萬中無一嘅時間抽出嚟寫字同你食飯,其實證明你係好重要」。

資料來源:「Dcard」

關鍵字

最新回應

關鍵字

相關新聞

熱門文章