利君牙11.11宣布嫁「腦細」阿Bu 感激老公用行動錫自己

毛記電視藝人利君牙（原名陳柏寧）昨晚深夜在IG出po宣布，與拍拖5年的毛記腦細男友阿Bu姚家豪結婚喇，恭喜！

牙牙對感情事一向低調，表示拍拖時沒有親自跟大家講，現在一次過公開交代。她指對結婚問題思考了一段時間，「好多人都會話都係差張紙啫，但其實又係咪真係差張紙呢？最後我嘅結論係同平時做嘢一樣，諗幾多係無用，做咗再算」。

牙牙還趁機放閃，留言指「重甜可skip」，她說：「多謝你，成日用行動嚟話我知你有幾錫我，例如係記住晒我講過嘅無聊嘢，例如係打緊機都會照聽我電話（最多hea覆)，例如係會好俾面咁食晒我啲垃圾創意料理。不過其實唔使做咁多，唔使用口講我都ok㗎～」。

而前毛記腦細林日曦亦有祝賀一對新人，笑指自己經常被誤會是利君牙的男朋友，「我唔係阿Bu..阿Bu唔係我..我離開100毛，真正原因就係唔想再俾人認錯之嘛」。