Juicy叮｜露營發燒友巴士輪椅位放滿背囊 網民批阻塞通道惹爭論
2021-11-09 14:15 
秋冬乃適合戶外活動的季節，不少人都會趁假日到西貢及離島度假。不過近日有露營發燒友就批評，有同好乘坐巴士時將大型背囊放在巴士的輪椅座位，認為有關行為可能會阻塞通道，影響其他乘客，引起其他網民熱議！
該名網民在社交媒體Facebook群組「露營樂」上載圖片，當中顯示巴士輪椅位置，放置了至少6個大型行山背囊及手推車，而旁邊的通道則站滿乘客。樓主表示，明白各位同好露營後「係攰係辛苦嘅」，惟大家乘車返回市區時應考慮其他乘客的感受，「你想舒舒服服坐到總站嘅同時，都會有其他人想上到車或者企喺到挨下，更甚係有條暢通嘅通道都係好重要」，認為放置背囊等在該處，霸佔了一定位置外，亦阻塞通道。樓主建議，同好們可做多一步，「啲袋跟身」，為其他乘客「留多啲位」。
帖文引起網上熱議，有人認為無論背囊跟身或放在特定位置，都有機會阻礙他人，批評樓主為鬧而鬧，「放呢個位已經算好為人著想，唔通要放路中心？」、「跟身咪又係阻塞通道，放大髀又頂到隔籬位，咁好啦睇嚟大背囊坐巴士就係罪，咁我自己揸車啦又俾人話唔利用公共交通工具製造塞車」。
不過亦有網民認為，若帶大量行李，應考慮如何減低對其他乘客造成的影響，甚至考慮是否適合乘坐巴士，「如果無咩人唔阻人情況放出嚟我覺得ok嘅，但放得出嚟就唔好坐咁遠囉」、「其實放低唔係問題，問題係幾多人一齊放低，既然知自己人多，就選擇啲對公共交通工具少啲影響嘅方法」。
資料來源：「露營樂」FB
關鍵字
最新回應