Juicy叮｜阿媽逼兒子婚後搬入新界 住港島「未來新抱」拒就範寧願分手

香港樓價持續高企，買樓是不少情侶的結婚前要面對的問題，但這個問題究竟曾拆散多少對情侶？ 有女網友日前在香港討論區發文，指其表妹居於港島，早前計劃與居於新界的男友共諧連理，但二人一直因未來新居的位置而爭論不斷。

女網友指表妹男友的母親希望二人結婚後，可以搬到新界居住，「話方便佢（男友）返屋企，但我表妹唔肯，佢想拎個中間位，住九龍，覺得公平啲。男方雖然一直冇表態，但就一直同我表妹講佢媽一定唔會讓步，又想我表妹理解佢阿媽」。女網友的表妹覺得男朋友從未為她發聲，尋求一個能令雙方滿意的解決方法，二人最終未能達成共識而分手。

女網友坦言覺得非常可惜，指表妹二人已拍拖多年，但竟因現實問題而分手，「望落似小事，但諗深一層，男方只識從佢媽角度諗，冇為我表妹諗過，夾硬結婚嘅話，以後遇到類似問題都唔會幫我表妹」，又指男方只懂為自己作打算，忽略表妹的感受，「男方由頭到尾冇幫我表妹諗過，佢又唔諗吓我表妹都有阿媽，佢阿媽都想我表妹住附近啦，點解一定要女人就男人？點解唔叫個男人就番自己未來外母？」，所以希望今次出post了解一下，究竟有多少人「因為傾結婚傾到分手，婚都結唔成？」

不少網友看畢全文後都覺得，二人因此而分手感到很兒戲，直言結婚屬二人之間的事，雙方商討便可以，不需理會第三者的意見，亦認為現時分手可能是好事，否則結婚後可能有更多磨擦，做成不能挽救的局面，「其實結婚只係兩個人嘅事，住邊呀邊度擺酒呀，其實兩個人自己決定咪得囉！不過分開都好呀，分開可能有運行」，但亦有人指女網友的表妹是「港女」，不懂遷就未來奶奶，「連最基本門面功夫都唔識做下，阿媽就得一個無得選，有血緣關係，女朋友分咗手可以再搵，同你無血緣關係，會唔會為咗條女同阿媽反面？」。