陳曉東拖埋愛犬同女玩雪 出街玩吓造型都不能輸

46歲嘅陳曉東於14年跟北京女友王妤嫻結婚，家陣有兩個女，分別係7歲大女朵朵陳芷霖及6歲細女多多陳芷怡，兩個女都遺傳咗爸爸嘅音樂細胞，彈鋼琴好叻㗎。

東東以前好低調，但返咗內地工作個人Open咗，喺社交平台經常見到佢同兩個女嘅互動，最新有老竇同女玩雪，着住Sharp醒黃羽絨嘅東東拖住愛犬同兩個女一齊玩雪，你掉吓我，我掉吓你，有網民問佢係咪身處北京?但東東冇回覆，唔知邊度嚟嘅呢。

特別留意東東嘅裝扮，普通出吓門都好重裝備，做藝人，出門造型果然不能輸。